Осиё чемпионатидан 9 та медал
Қозоғистоннинг Павлодар шаҳрида бокс бўйича ёшлар ўртасида Осиё чемпионати бўлиб ўтди.
Мазкур нуфузли мусобақада 3 та олтин, 3 та кумуш ва 3 та бронза медалига сазовор бўлган Ўзбекистон ёшлар терма жамоаси умумжамоа ҳисобида иккинчи ўринни эгаллади.
Қитъа чемпионатида ҳамюртларимиздан Билолбек Мирзараҳимов, Улуғбек Собиров ва Санжар Турсуновлар олтин медалларга сазовор бўлишган бўлса, Отабек Холматов, Шоҳруз Раҳимов ва Абдулла Худорганов кумуш, Шунқор Абдурасулов, Зиёдбек Ўролов ҳамда Шоҳрух Рустамов бронза медалига сазовор бўлдилар.
