Xushxabar, raqamlar (2014/22-23)
“Barkamol avlod – 2014” sport musobaqalari final bosqichida jami 1 ming 220 nafar ishtirokchi bo‘lib, shundan 996 nafari sportchilarni tashkil etadi. ularning chiqishlarini 224 nafar murabbiylar kuzatib borishadi.
“Barkamol avlod – 2014” sport o‘yinlaridan boshlab musobaqa dasturiga bir necha sport turlari ham kiritildi. Bular erkin va yunon-rum kurashi, dzyu-do, boks, taekvondo hamda og‘ir atletika sport turlaridir. Mazkur sport turlari Olimpiada dasturiga ham kiritilgan bo‘lib, o‘z-o‘zidan musobaqa qamrovining kengayishi va ishtirokchilar sonining yanada ortishiga sabab bo‘ladi. Jumladan sportning mazkur yo‘nalishlari bo‘yicha 56 nafardan jami 336 nafar sportchilar ishtirok etishmoqda.
