Энди “Жиноят ҳақиқати ва адолат” тизими ишлайди
Ўтган йил мамлакатимизда жиноятлар 2016 йилга нисбатан 16 фоизга, жорий йилнинг 6 ойида эса, ўтган йилнинг шу давридагига нисбатан 39 фоизга камайган бўлса-да, жиноятчиликнинг айрим турлари, жумладан, қасддан одам ўлдириш, оғир тан жароҳати етказиш, талончилик, босқинчилик, ўғрилик ва фирибгарлик каби ҳуқуқбузарликлар сони ҳамон юқорилигича қолмоқда.
Ўзингиз айтинг: бу ҳолат юрт равнақини ўйлаган кишини ташвиш солмай қўядими?
Энг асосийси, жиноятларнинг келиб чиқиш сабабларини ўрганиш, илдизига етиш ва жиноят учун жазо муқаррарлигини халқимиз онгига етказиш, таълим муассасаларидан тортиб, барча оилаларда, жамоат ташкилотларида, маҳалла ва кенг жамоатчилик орасида жамиятимиз учун жиддий хавф бўлган бундай иллатларга қарши курашиш керак бўлади. Айниқса, ёшлар ўртасида жиноятчиликнинг олдини олиш, ўқимаётган, ишламаётган, уюшмаган ёшлар билан олиб борилаётган ишларни тубдан такомиллаштириш лозим. Биз депутатлар жойларда аҳоли билан ўтказаётган турли тадбирлар давомида буни чуқур таҳлил қилган ҳолда ишларимизни олиб боришимиз даркор.
Бугун ички ишлар тизимида эскича ишлаш қолипидан чиқолмаётган айрим ходимлар ҳам учраб тургани, одамларнинг дарду ташвишини ҳис қилмаслик, юзага келиши мумкин бўлган оқибатларни олдиндан кўра олмаслик кабилар тизим ишининг боришига салбий таъсир ўтказмоқда. Шунингдек, тезкор ва холис қарор қабул қилиш борасида соҳанинг баъзи ходимларида малака ва тажриба, билим етишмаётгани ҳам кўзланган натижага эришишда салбий таъсир кўрсатаётгани бежиз эмас. Қолаверса, соҳа ҳали-ҳануз эскича ишлаш тизимидан воз кечолмагани ҳам қайсидир маънода ривожланишга тўсиқ бўлиб турибди.
Жорий йилнинг 27 июль куни мамлакатимиз Президенти Шавкат Мирзиёев раислигида жиноятчиликнинг барвақт олдини олиш борасидаги ишларнинг бугунги ҳолати, тизимда мавжуд муаммо ва камчиликларни бартараф этиш масалаларига бағишлаб ўтказилган видеоселектор йиғилишида энди жиноятчиликни жиловлаш бўйича ишлар “Жиноят ҳақиқати ва адолат” деб номланган бутунлай янгича тизимда ташкил этилиш қайд қилинди. Масъул раҳбарлар жойларга бориб, жиноятларнинг сабабларини ўрганади, муҳокама қилади, такрорланишининг олдини олишга қаратилган аниқ чоралар кўради. Бу назаримда жиноятлар сонининг сезиларли даражада камайишига имкон яратади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
СаломатликБола тунда тишларини нега ғичирлатади?
Баъзи болалар тунги уйқуда тез-тез тишларини ғичирлатади. Кўпчилик ота-оналар бундан ташвишга тушса-да, шифокорга боришга доим ҳам шошилмайди. Шу ўринда бу қанчалик хавфли, унга қа
Тиббий сабоқларСут тишлари қачон чиқа бошлайди?
Безовталик, иштаҳа пасайиши, инжиқлик ва ҳатто иситма… Болаларда бундай белгилар кузатилиши ҳар доим ҳам хасталик аломати бўлавермайди. Жумладан, кичкинтойларда сут тишлари чиқаётг
Тиббий сабоқларБола тишларини кариесдан қандай ҳимоя қилиш мумкин?
Кариес хасталигининг келиб чиқишига нималар сабаб бўлади? Тишларни бу касалликдан қандай ҳимоялаш мумкин? Бир марталик пломболар қанча вақтгача хизмат қилади? ССВ Матбуот хизматини