ШАРАФЛИ КАСБ

Устозимиз бизга “Сиз танлаган касб жуда масъулиятли. Сабаби Конституциямизда халқимизга малакали тиббий хизмат кўрсатилиши алоҳида ифода этилган. Бу эса соҳа ходимларидан кучли билим ва тажриба талаб этади. Демак, сизлар ҳам шунчаки ўқиб эмас, балки уқиб олишингиз лозим. Ҳамшира ўз вазифасини ва маъсулияти билан инсон саломатлигига жавобгар ҳисобланади”, – дея таъкидлаганларида барчамиз зиммамиздаги масъулиятни ҳис этдик.

Тўғрида, ахир биз эгаллаётган касб келажак авлодлар соғлиғига ғамхўрлик қилишимизни талаб этади. Бу борада пухта билим эгаллашимиз учун коллежимизда барча шароитлар яратилган. Ҳар бир дарсимиз кўргазмали воситалар ёрдамида қизиқарли ўтилади. Махсус жиҳозланган ўқув-лоборатория хоналарида амалий машғулотлар ўтамиз. Фан хоналари, турли спорт тўгараклари ўқувчилар билан гавжум. Конституциямизда эътироф этилган ҳақ-ҳуқуқларимиз ҳимояси бизнинг ҳар томонлама камол топишимизга хизмат қилар экан, бунга жавобан юртимизга муносиб фарзанд бўлиш мақсадида тинмай ўқиб изланаверамиз. Шиоримиз эл саломатлиги борасида Бош Қомусимизда белгилаб берилган тамойилларга амал қилиб, яхши мутахассис, этук тиббиёт ходими бўлишдир.