Ўрикнинг ҳар бир тури ўзининг бетакрор таъми билан барчамизга хуш ёқади. Уни сархиллигида ва дамлаб ҳамда қайнатиб, қолаверса қуритиб, туршак ҳолида ҳам истеъмол қиламиз. Зарғалдоқ, қизил ва сариқ баъзида эса яшилтоб ўрикни истеъмол қилиш кишининг умумий аҳволига ижобий таъсир кўрсатади.
Ушбу мева инсон организмини қувватга тўлдиради. Юрак-қон томир ва меъда-ичак тизими касаллигига чалинган ёки ортиқча вазндан азият чекувчи кишилар ундан кўпроқ тановул этишлари лозим.
Бу мева гиповитаминоз (витаминлар камайганда) ёки авитаминоз (дармондорилар етишмовчилигида)да ва камқонликда яхши ёрдам беради. У шунингдек, саратон хасталигида ҳам соғлиқни мустаҳкамлайди. Бу ажойиб, иштаҳа очувчи мева организмнинг турли хасталикларга қарши курашиш қобилиятини оширади.
Семиришга қарши ўрик парҳез маҳсулоти сифатида ейилади. Бутун дунё диетолог (парҳезшунос)лари ўрик моддалар алмашинуви ва овқат ҳазм қилиш жараёни учун фойдали маҳсулот деган фикрга келди. Ҳар куни ундан атиги 100 грамм тановул қилиш мунтазам ич келишига ва ичаклардаги елдан халос бўлишга сабаб бўлади. Темир моддасига бойлиги туфайли ўрикнинг 100 грамми 250 грамм жигарнинг ўрнини босади. Миянинг фаоллиги учун магний ва фосфорга бой ушбу мевани истеъмол қилиш тавсия этилади. Унинг таркибидаги магний қон босими кўтарилганда уни пасайтиришда ёрдам беради.
Таркибидаги 10,5 фоиз шакар ўрикка ўзига хос майин таъм беради. Бундан ташқари унда яна инулин, олма, лимон ва узум кислоталари, ҳамда организмдан ортиқча холестерин ва заҳарли моддаларни ҳайдаб чиқарувчи крахмал ва пектин моддаси ҳам мавжуд. Шунингдек, А провитамини организмда А витаминининг юзага келишига олиб келади. Бу витамин эса организмнинг юқумли касалликларга қаршилигини оширади, тери ҳолатини яхшилайди.
Унинг таркибидаги В витамини эса юрак-қон томирлари тизими билан боғлиқ хасталикларни даволашда шифобахш хусусиятга эга. C витамини организмнинг умумий қаршилигини ошириб, овқат ҳазм қилиш жараёнини яхшилайди. Бу дармондори кўплаб оғир юқумли хасталикларнинг олдини олади.
Қолаверса, ўрик меваси жуда кўп минерал тузларга эга бўлиб, уларнинг организмда камайиб кетиши суякларнинг бузилишига олиб келади. Минерал тузлар кишининг асаб тизими ва моддалар алмашинувининг меъёрида кечиши учун ҳам муҳим саналади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш
СаломатликОртиқча вазнли инсонлар учун соғлом овқатланишнинг 5 та муҳим қоидаси
1-қоида. Кунда 3 маҳал асосий овқатланиш шарт: – нонушта; – тушлик; – кечки овқат. Асосий таомни имкон борича, қорин очмасдан бир вақтда истеъмол қилиш керак. Шунингдек, асосий овқ
СаломатликОна сутининг бола ҳаётида аҳамияти қанчалик муҳим?
Пойтахтимизда сақлаш вазирлиги ва ЮНИСЕФ ташаббуси билан “Она сути билан озиқлантириш бўйича ахборот бериш салоҳиятини кучайтириш” мавзусида семинар-тренинг ташкил этилди. Унда Қор
СаломатликУйқу гормони қанчалик муҳим?
Мелатонин – тўлиқ кечки уйқуда ишлаб чиқариладиган гормондир. Мелатониннинг синтези ёруғлиқ даражасига боғлиқдир: нур унинг ишлаб чиқарилишини камайтиради, қоронғулик эса – кўпайти