“Обод ватан, соғлом ҳаёт – бахтимиз асоси”

“Соғлом авлод учун” халқаро хайрия фонди ҳамда “Соғлом авлод” газетаси таҳририяти ҳамкорлигида 2014-йил – Соғлом бола йили муносабати билан умумтаълим мактаби ўқувчи-ёшлари ўртасида “Обод Ватан, соғлом ҳаёт – бахтимиз асоси” иншолар танловини эълон қилади.

Танловга мамлакатимизда амалга оширилаётган кенг кўламли ислоҳотлар, мислсиз бунёдкорлик ишлари, юртимиз табиати, халқимизнинг ўзига хос эзгу фазилатлари, миллий қадриятлари ва урф-одатларини улуғлаш, ёшлар ўртасида спортни кенг тарғиб қилиш, соғлом турмуш тарзини ошириш, маҳалла ва гузарларни ободонлаштириш, мамлакатимизда ёш авлод учун яратилган кенг имкониятлардан фойдаланиб, улкан ютуқларни қўлга киритган юртдошларимиз ҳаёти ва фаолияти акс этган мавзулардаги иншолар қабул қилинади. Танлов давомида иншолар сараланиб “Соғлом авлод” газетаси саҳифаларида ёритиб борилади.

Танлов 2014-йил май ойининг охирги ҳафтасида якунланиб ғолиблар аниқланади. Энг яхши иншолар муаллифлари 1-июнь – Халқаро болаларни ҳимоя қилиш кунида “Соғлом авлод учун” халқаро хайрия фонди ҳамда “Соғлом авлод” газетаси таҳририятининг фахрий ёрлиғи ва қимматбаҳо совғалари билан тақдирланади.