Жорий йилнинг 19 сентябрь – 4 октябрь кунлари Жанубий Кореянинг Инчеон шаҳрида ўтказилган XVII Осиё ўйинларида мамлакатимиз шарафини ҳимоя қилган спортчиларимиз 9 олтин, 14 кумуш ва 21 бронза медални, жамоавий баҳслар ҳисобида 12 олтин, 14 кумуш ва 35 бронза медални қўлга киритиб, Ватанимиз шарафини янада юксакларга кўтариб қайтдилар. Совринли ўринларни қўлга киритган ҳамюртларимиз орасида аёл спортчиларимизнинг ҳам борлиги қувонарли.
Ўзбекистон Хотин-қизлар қўмитаси томонидан ана шу ғолиб спортчи қизларни тақдирлашга бағишланган тадбир ўтказилди. Тадбирда бир қатор ташкилот вакиллари ҳамда ОАВ ходимлари иштирок этишди.
Клара Шокиржонова, Ўзбекистон давлат жисмоний тарбия институти ўқитувчиси, профессор: – Спорт бу – саломатлик дегани. Мамлакатимизда Юртбошимиз бошчилигида спортга, айниқса, аёллар спортига қаратилаётган эътибор, яратилаётган шарт-шароитлар ўз самарасини бермоқда.
Спортчиларимизнинг дунё спорт ареналарида қўлга киритаётган ютуқлари бунга мисол бўлмоқда. Яқинда Жанубий Кореянинг Инчеон шаҳрида ўтказилган XVII Осиё ўйинларида муваффақиятли иштирок этган қизларимиз орасида Екатерина Воронина енгил атлетиканинг кўпкураш баҳслари бўйича икки кун мобайнида ўз имкониятларини намоён этди ва олтин медални қўлга киритди.
Екатерина Воронина, XVII Осиё ўйинлари ғолиби: – Мен 12 ёшимдан бери спорт билан шуғулланаман. Мана ўн йил бўлибдики устозларим профессор Клара Шокиржонова, Павел Андреев, Елена Свечниковалардан спорт сирларини мунтазам ўрганиб келмоқдаман. Мен улардан фидойилик, камтарлик, жиддийлик, иродали бўлиш каби фазилатларни ўргандим. Бугунги кунда Ўзбекистон давлат жисмоний тарбия институтининг 4-босқич талабасиман. 2007 йилда Белоруссияда, 2013 йилда Ҳиндистонда ўтказилган Осиё ўйинларида иккинчи ўринни эгаллаб, кумуш медаль соҳиби бўлган эдим. Тинимсиз машғулотлар, устозлар ўгитига риоя қилиш ва давлатимиз томонидан яратилган имкониятлар боис бугун биз ғолибликни қўлга киритдик.
Тадбирда спорт фахрийлари, спортчи қизларнинг мураббийлари, Осиё ўйинларида олтин, кумуш ва бронза медалларга сазовор бўлган қизлар рағбатлантирилди. Тадбирда Ўзбекистон Республикаси Бош вазирининг ўринбосари, Хотин-қизлар қўмитаси раиси Э.Боситхонова иштирок этди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СпортАвтопойга ғолиблари аниқланди
14-ноябр куни Тошкент вилояти Пскент туманининг “Жанубий трасса”сида автопойга бўйича Ўзбекистон чемпионати сериясининг 3-босқичи бўлиб ўтди. Мудофаага кўмаклашувчи “Ватанпарвар” т
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац
СпортСТРЕСС – БУ НИМА ВА У БИЛАН ҚАНДАЙ КУРАШИШ КЕРАК?
Бахт онлари саёҳатнинг охирги бекати эмас – ўзи(ми?) Ўз афзаллиги ва камчилигига эга оддий одамман. Ҳар куни барча каби турли даражали стрессларга учрайман. Атрофдаги воқеаларга т
Спорт“Стоматология Юга-2019” халқаро олимпиадаси
2019 йил 21-22 октябр кунлари Тошкент давлат стоматология институтида яна бир халқаро танлов – “Стоматология Юга-2019” халқаро олимпиадаси ўтказилди. Рус миллий академик драма теат