Шашкачиларимиз Осиёда тенгсиз

Пойтахтимизда болалар, ўсмирлар, ёшлар, катталар ва хотин-қизлар ўртасида Осиё чемпионатининг 64 катакли шашка бўйича баҳслари якунланди.

Ўндан зиёд давлатдан 200 нафарга яқин спортчи иштирок этаётган мазкур йўналишда терма жамоамиз аъзолари 8 олтин, 4 кумуш ва 9 бронза медални қўлга киритди.

Йигирма ёшгача бўлган шашкачилар баҳсида кўп карра жаҳон чемпиони Самандар Калонов етти партиядан 5 ғалаба ва 2 дуранг натижа қайд этиб, 12 очко билан шоҳсупанинг энг юқори поғонасидан жой олди. Истеъдодли шашкачиларимиздан Акмал Абдураҳимов, Шоҳжаҳон Ҳикматуллаев, Озодбек Ўрмоналиев ҳам ўз ёш тоифасида олтин медални қўлга киритди.

Муҳаммад Тошпўлатов кумуш медаль соҳибига айланган бўлса, Саидқосим Алиев, Ҳусниддин Жиянбоев, Алишер Ортиқов, Умид Болтабоев, Шукрулло Эргашев ва Бобур Донобоев бронза медаль билан тақдирланди.

Йигирма ёшгача қизлар баҳсида жаҳон чемпионати совриндори Шаҳзода Турсунмуродовага тенг келадигани топилмади. Иқтидорли спортчимиз етти партиянинг барчасида ғалаба қозониб, 14 очко билан Осиё чемпиони бўлди.

Мусобақада Сайёра Йўлдошева, Васфия Бердиқулова, Зебинисо Мамасолиева ҳам ўз ёш тоифасида биринчи ўринни эгаллаган бўлса, Мадина Ғайбуллаева, Лайло Тошпўлатова, Хумора Холиқбердиева иккинчи, Ирода Турсунқулова, Азиза Худойқулова ва Соҳиба Тузалиева учинчи ўринни эгаллашди.

Чемпионат доирасида 64 катакли шашка бўйича ўтказилган блиц турнирда ҳамюртларимиз 4 олтин, 7 кумуш ва 3 бронза медални қўлга киритишди.

Шунингдек, хитойлик Лю Жинхин, Руан Шижи, Лю Пей, мўғулистонлик Баярманлай Баярмагнай, Суҳбат Болдбаатар, қозоғистонлик Марат Жекеев, Элдос Наби, Аҳмад Бияшимов, Олтиной Жумагелдиева, Сауле Бахиткерей, Жанат Худойберган, туркманистонлик Қурбандурди Жумаев сингари шашкачилар ҳам Осиё чемпионатининг ғолиб ва совриндорлари қаторидан жой олди.

Байрам АЙТМУРОДОВ,

ЎзА мухбири

Яна ўқинг:  Вояга етмаган ёшларнинг оила қуриши – келажак заволи

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: