ШАХМАТ
Пойтахтимизда шахмат бўйича биринчи ўзбек гроссмейстери Георгий Аъзамов хотирасига бағишланган “Тошкент опен” VIII халқаро турнири якунланди.
Ўзбекистон Республикаси Маданият ва спорт ишлари вазирлиги ҳамда мамлакатимиз Шахмат Федерацияси ҳамкорлигида ташкил этилган мусобақада АҚШ, Испания, Россия, Беларусь, Грузия, Арманистон, Украина, Ҳиндистон, Ироқ, Қозоғистон, Тожикистон, Афғонистон каби мамлакатлардан юз нафардан зиёд шахматчи ғолиблик учун баҳслашди.
Швейцарча усулда тўққиз турдан иборат мусобақада 7,5 очко жамғарган ҳиндистонлик Абҳижит Гупта биринчи ўринни эгаллади.
Тўққиз имкониятдан 7 тадан очко жамғарган украиналик Юрий Кузубов, грузиялик Михаил Мчедлишвили, россиялик Павел Смирнов, арманистонлик Арман Пашикян кучли бешликдан жой олди.
“Тошкент опен” VIII халқаро турнири истеъдодли шахматчиларимиз учун катта тажриба мактаби вазифасини ўтади. Турнирда кучли ўйин кўрсатган Сарвиноз Қурбонбоева, Нафиса Мўминова ва Баҳора Абдусатторова қизлар ўртасида энг юқори натижани қайд этган бўлса, ўсмирлар ўртасида энг кўп очко жамғарган Бобур Сатторов, Одил Раҳмон ва Нодирбек Ёқуббоев ҳам шахмат мутахассислари ва мухлисларининг эътиборини қозонди.
ТЕННИС
Ўзбекистоннинг 1-ракеткаси Денис Истомин Франциянинг Париж шаҳрида ўтказилаётган “Катта дубулға” туркумига кирувчи “Ролан Гаррос” турнирини ғалаба билан бошлади.
Нуфузли мусобақанинг яккаликлар ўртасидаги дастлабки баҳсида тажрибали теннисчимиз украиналик Сергей Стаховскийни 6:3, 6:4, 2:6, 6:3 ҳисобида мағлубиятга учратиб, навбатдаги босқичга йўлланма олди. Энди Денис Истомин германиялик Филипп Кольшрайберга қарши кортга чиқади.
ДЗЮДО
Ўзбекистон дзюдо федерацияси мамлакатимиз дзюдо усталарининг янги рейтинг жадвалини эълон қилди.
Унга кўра эркаклар ўртасида Шароф Лутфуллаев, Ришод Собиров, Сарвар Шомуродов, Яҳё Имомов, Шерали Жўраев, Соиб Қурбонов ва Болтабой Болтаев, хотин-қизлар ўртасида Муқаддас Кубеева, Зарифа Султонова, Шоҳида Назарова, Шоҳиста Сафарова, Гулноза Матниёзова, Кумуш Йўлдошева ва Обида Алладўстова ўз вазн тоифасида пешқадамлик қилмоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СпортБола неча ёшдан спорт билан шуғулланишни бошлагани маъқул?
Фарзандлар соғлом ўсиши учун уларнинг тўғри овқатланиши билан бирга, жисмоний фаоллиги муҳим аҳамиятга эга. Шу боис ота-оналар ўғил-қизлари учун спорт тўгараги танлашда уларнинг ёш
СпортОЛИЙ ТАЪЛИМДА СПОРТ СОҲАСИДА ЯНГИ ЙЎНАЛИШЛАР ОЧИЛДИ
Миллий матбуот марказида Ўзбекистон давлат жисмоний тарбия ва спорт университетига янги йўналишлар бўйича ҳам абитурентлар қабул қилиниши масаласида тадбир бўлиб ўтди. Тадбирда ўқи
СпортБодибилдинг ва жисмоний спорт турлари бўйича жаҳон чемпионати
Тошкентдаги «Ҳумо Арена» спорт мажмуасида бодибилдинг бўйича ХII жаҳон чемпионати бўлиб ўтмоқда. Мусобақада 150 дан ортиқ делегация вакиллари иштирок этаяпти. – Юртбошимизнинг спор
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац