Терма жамоамиз ғалаба қозонди
Тошкентдаги “Бунёдкор” стадионида Ўзбекистон ҳамда Қатар миллий терма жамоалари ўртасидаги ЖЧ-2018 саралаш учрашуви бўлиб ўтди.
Унда 1: 0 ҳисоби қайд этилиб, Ўзбекистон термасининг ғалабаси билан якунланди.
Баҳс кутилганидек, жуда асабий тарзда бошланди. Босим кучли бўлгани боис, жамоалар биринчи бўлимда ўз дарвозалари дахлсизлигини сақлаб қола олишди.
Ўйинда ягона гол иккинчи бўлимнинг 66-дақиқасида Одил Аҳмедов томонидан киритилди. Ушбу ҳисоб баҳс якунига қадар ўзгармади.
