Cарф-ҳаражатсиз саёҳат

Бугун интернет тармоғининг чексиз имкониятларини ҳали тўлиқ тасаввур этиб улгурмасимиздан, унинг янгидан-янги қирралари пайдо бўлмоқда. Эндиликда Парижга саёҳат қилиш ва айнан ўша машҳур Эйфил минорасини томоша қилиш кўпчилик учун орзулигича қолиб кетмайди. Ҳеч бўлмаганда онлайн тарзда саёҳат қилиш ҳам кишига завқ бағишламай қолмайди.

Google France компанияси машҳур Эйфил минораси бўйлаб рақамли экскурсия дастурини интернет тармоғи учун ишлаб чиқди. Эндиликда онлайн-сайёҳлар Францияга бормасдан туриб, Парижнинг умумий кўриниши ва Эйфил минорасининг асосий қаватларини баландликдан томоша қилишлари мумкин.

«Темир хоним» дея таърифланувчи миноранинг қаватларидан суратга олинган Парижнинг айлана кўриниши Google хаританинг Street View кўчаларни кўриш хизматида пайдо бўлди. Бунда экскурсия дастурчилари шундай суратни яратишдики, бу орқали маълумотни 360 градусда олиш мумкин. Яъни виртуал сайёҳ жойидан жилмаган ҳолда миноранинг ён-атроф кўринишини иккинчи қават баландлигида кўриш имконига эга.

Экскурсия вақтида сайёҳлар ушбу қадимги иншоотнинг тарихи, унинг илк томошабинлари ҳақида билиб олишлари ва турли мавзулардаги ўйма нақшларни кўришлари мумкин. Электрон экскурсовод эса минора муҳандиси Гюстав Эйфел овозида сўзлайди.

Яна ўқинг:  ТЕННИСЧИЛАРИМИЗНИНГ ҒАЛАБАЛИ ОДИМЛАРИ

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: