Реклама

Трансплантация ҳақида янгича тасаввур

Яқинда Францияда инсон тери қопламасини кўчириб ўтказиш бўйича ноёб операция амалга оширилди. Унда танасининг 95 фоиз қисми оловда куйган 33 ёшли беморга унинг эгизаги донорлик қилди.

Беморни терини кўчиришга тайёрлаш учун иккита жарроҳлик амалиёти амалга оширилди. Тери трансплантациясининг ўзи уч босқичда, яъни беморни даволаш муддатининг еттинчи, ўн биринчи ва қирқ тўртинчи кунлари бажарилди. Умуман бемор ўн марта жарроҳлик амалиётини бошидан кечирди.

Донордан эллик фоиз тери қопламаси бош, орқа ва сон қисмларидан олинди. Унинг терисидан юпқа қават олиндики, унинг қайта тикланиши учун бир неча кун талаб этилди ва бу бир жойдан бир неча марта тери қатламини олиш имконини берди. Олинган тери қатлами чўзилиб, тур кўринишидаги имплантант шакли ўтқазилди. Бемор ҳозирда мустақил ўзи юради ва ёза олади.

Жарроҳларнинг сўзларига қараганда бундай катта ҳажмдаги терини кўчириб ўтказиш амалиёти дунёда биринчи марта амалга оширилган.

Яна ўқинг:  Психопатик сифатларга эга бўлган одамлар рэп-мусиқаларни ёқтиради
Калит сўзлар:

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Хато ҳақида хабар

Муҳаррирга жўнатиладиган матн: