Соябон

уз кунларининг бири. Тўсатдан кучли шамол туриб чунонам жала қуйди-ки… Гўё еру кўкда Нуҳ тўфони бошлангандай. Ҳамма жонҳолатда ўзини панага урган. Мен ҳам бекатда паналаб, кўнглимни алланечук ҳадик-хавотир чулғади: тўфон босса-я?!

Бир пайт қўл телефоним чақириб қолди. Қизчам боғчадан келиб уйдан менга қўнғироқ қилаётган экан. Хавотирли овози дилимдаги хираликни бирдан тарқатиб юборди: – Дадажон, кўчадамисиз? Зонтигингиз борми?

Кўнглим ёришиб, хавотирим ўрнини ёруғ умид эгаллади: шу меҳр бор экан, асло тўфон бўлмайди, ҳаёт тугамайди.

“Зонтигингиз борми?”. Меҳр тўла самимий сўзлар менга энг зўр соябон бўлди, гўё. Бу соябон не-не ёғинларда менга паноҳ бўлғуси.

Дилшод РАЖАБ

Яна ўқинг:  “ГЎЗАЛЛИК ҚАРОҚЧИЛАРИ” аёлларнинг даҳшатли душмани(ми?)

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: