BITIRUVCHINING ISH JOYI TAYIN
Namangan qurilish va dizayn kasb-hunar kollejini joriy o‘quv yilida 627 nafar o‘quvchi bitiradi.
Bitiruvchilar bu yerda reklama mutaxassisi, arxivshunos va ish yurituvchi, turistik xizmatlar tashkilotchisi, dizayner, buxgalter kabi 9 ta mutaxassislik bo‘yicha puxta nazariy bilim egallagan. Hududdagi korxona va tashkilotlar bilan tuzilgan uch tomonlama shartnomalarga muvofiq, yoshlarning kelgusidagi ish joyi tayin. O‘z biznes faoliyatini yo‘lga qo‘yish istagini bildirgan 15 nafar o‘quvchi esa ayni kunlarda imtiyozli kredit olish arafasida.
