Ҳаёт кузатувларидан қайдлар

Ота-боболару она-момоларнинг кексайиб кучдан қолиши инсонга тушкунлик бағишласа, фарзанду набираларнинг улғайиши куч-қувват бахш этади.

* * *

Ёшлик, талабалар шаҳарчаси ва талабалар уйидаги илм ўрганиш, ҳаётда ўз ўрнини топишга бўлган интилишлар умримизнинг бетакрор дамларидир.

* * *

Ёмон одамнинг ҳамма боласи ҳам нодону ёмон бўлавермайди.

* * *

Турли муаммолар учун ортиқча ва узлуксиз изтироб чекиш ақллилик аломати эмас.

* * *

Ёмонлар бир умр яхшиларнинг ҳурмати ва обрўйига ҳасад қилиб яшайдилар.

* * *

Олиму фозиллар ўз эътироз ва танбеҳларини ҳам майинлик, хушмуомалалик билан билдирадилар.

* * *

Ўзининг хатоси билан йўлини йўқотганларнинг аксарияти бошқалардан нолиб юради.

* * *

Яхши одамлар қуёшга ўхшайди, қуёш барчага баравар нур сочгани каби яхшиликдан ҳам барча тенг баҳраманд бўлади.

* * *

Инсонлар орасида ёмон одамларнинг бўлиши боғу гулзорда майда ёввойи ўтларнинг борлигига ўхшайди.

* * *

Ҳар жойда ҳар кимга маслаҳат беришга интилувчиларнинг ўзи тарбияга муҳтождир.

Абдишукур ОМОНОВ

Яна ўқинг:  KULGI-SHIFO

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: