BOLALAR KULGUSI

– Улғайсам, албатта, қурувчи бўламан. Хона бурчакларини думалоқ қилиб қураман, – деди бобосига набира.

– Нега?

– Бурчакда турмаслик учун.

* * *

– Яна мактабга бормабсан-ку, Қодиржон?

– Э, дангасалик билан роса курашдим. Шунақа курашдимки, уни енгиб қарасам, мактабга боришга кучим қолмапти…

***

Ўқитувчи:

– Қани айт-чи, Тоҳиржон, “Қарға билан тулки” масаласида ижобий қаҳрамон ким?

Ўқувчи:

– Пишлоқ.

***

– Ўғлим, “эчки” сўзини ҳарфлаб айт-чи.

– Э-ч-к…

– Охирида нима бор?

– Думи бор.

***

– Опажон, мен сизга мана бу кўйлакни сотиб олишни тавсия қилган бўлардим.

– Йўғ-е, у менга катта-ку!

– Шунинг учун айтяпман-да! Ҳар кийганингизда озибман, деб хурсанд бўлиб юрасиз.

***

Дада тош асри нима?

– У вақтда ҳамма нарсани тошдан ясашган.

– Ие, телевизорни ҳамми?!

***

Ўқитувчи ўқувчилардан сўради:

– Жанубга учиб кетадиган қуш қандай аталади?

– Саёҳатчи.

***

– Нега йиғлаб ўтирибсан Одина? – деди ойиси.

– География ўқитувчимиз “икки” қўйди. Аляска қаердалигини топиб беролмадим.

– Сен паришонхотирни қара-ю, ўзинг қаерга қўювдинг?

***

Ботир пашша тутиб онасига деди:

– Ойи, шундан фил ясаб беринг?

– Бу мумкин эмас, болажон.

– Нега? Дадам сизни доим пашшадан фил ясайди дейди-ку!

***

– Дада, сиз кўзингизни юмиб имзо қўя оласизми?

– Ҳа, қўя оламан.

– Унда кундалигимга кўзингизни юмиб, имзо қўйинг-чи.

***

Дастурхон атрофида бола онасидан сўради:

– Ойижон, нега дадамнинг бошлари кал?

– Чунки даданг ақлли!

– Унда нега сизнинг сочингиз кўп?

– Кўп гапирмай, овқатингни е!

***

– Олимжон, сени узоқдаги қишлоққа амалиётга жўнатамиз.

– Боролмайман-да.

– Ие, нега?

– Ўзингиз айтган эдингиз-ку, сен бу билиминг билан узоққа боролмайсан деб.

***

– Болакай, чақалоқ уканг бунчалик қаттиқ бақиради?

– Сизнинг ҳам сочингиз ва тишингиз бўлмаса, оёқ-қўлларингиз ўзингизга бўйсунмаса, укамдан ҳам қаттиқроқ бақирардингиз.

Яна ўқинг:  Чин юрак сўзини айтиб

You may also like...

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Хато ҳақида хабар

Муҳаррирга жўнатиладиган матн: