Хоразмда илк маротаба янтоққа тарвуз пайвандланди
“O‘zLiDeP” Хоразм вилоят Кенгаши томонидан “Ёш инновациячи” кўрик-танловининг вилоят босқичи ўтказилди.
Унда янтоқ ўсимлигига турли хил полиз экинларини пайвандлаш бўйича ишлаб чиққан лойиҳаси билан иштирок этган Сотимпошша Одамбоева фахрли 1-ўринни қўлга киритди.
Янтоқ ўсимлигининг илдизи 20 метргача ер остига етиб бориши туфайли унда инсон организми учун керакли бўлган кўплаб минераллар мужассам. Шу боис, Сотимпошша янтоққа полиз эканларининг айрим турларини пайвандлаш усули билан маҳсулотлар етиштиришни йўлга қўйди. Дастлаб, бу тажриба тарвуз ва қовоқ каби полиз экинларида синаб кўрилди.
