Тиббиёт асбоб-ускуналари экспорт қилинмоқда

Мамлакатимизда соғлиқни сақлаш тизимини янада такомиллаштириш, даволашнинг замонавий технология ва усулларини амалиётга кенг жорий этишга алоҳида эътибор қаратилмоқда.

Бугунги кунда халқимизнинг муносиб ҳаёт сифатини таъминлаш, оналик ва болаликни муҳофаза қилиш, ҳар томонлама соғлом авлодни тарбиялаш, тиббий хизмат сифатини оширишга қаратилган тизимли ишлар изчил давом эттирилмоқда. Ҳозирда юртимизда ишлаб чиқарилган тиббий асбоб-ускуналар қатор хориж давлатларига ҳам экспорт қилинмоқда. Бунда Ўзбекистон тиббиёт асбоб-ускуналар ишлаб чиқарувчилар ва етказиб берувчилар уюшмасининг ҳам муносиб ҳиссаси бор.

Одамларга сифатли тиббий хизмат кўрсатишда замонавий тиббий асбоб-ускуналар муҳим аҳамиятга эга, – дейди уюшма раиси Отабек Жиянбоев. – Чунки, шифокор қанчалик малакали ва салоҳиятли бўлмасин, тиббий асбоб-ускуналар замон талабларига жавоб бермас экан, бемор у кўрсатган хизматдан рози бўлмайди, даво топмайди. Мазкур уюшманинг ташкил топиши ҳам ана шундай талаб ва эҳтиёждан келиб чиққан, десак муболаға бўлмайди.

Уюшма шу кунга қадар Соғлиқни сақлаш вазирлиги, Савдо-саноат палатаси, Ўзбекистон “Миллий тикланиш” демократик партияси ва қозоғистонлик ҳамкорлар билан меморандумлар имзоланди. Бу эса юртимизда ишлаб чиқарилаётган тиббиёт ускуналарини хорижга кенг кўламда экспорт қилишга имкон яратади.

Марказ бугунги кунда юртимиз тиббиёт соҳаси учун зарур бўлган асбоб-ускуналарни хориждан олиб келиш, буюртмачиларга етказиб бериш, мамлакатимизда ишлаб чиқарилган тиббиёт буюмларини чет элга экспорт қилиш билан шуғулланмоқда. Айни пайтда яқин истиқболда ҳал қилиш учун катта салоҳиятга эга бўлган соҳани ривожлантириш борасида изчил чора-тадбирлар амалга оширилмоқда.

 

Исломжон ҚЎЧҚОРОВ

Яна ўқинг:  Хушхабар, рақамлар (2015-21)

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: