Ko‘ngildan boshlangan obodlik
9 may – Xotira va qadrlash kuni munosabati bilan poytaxtimizning Yakkasaroy tumanida joylashgan “Birodarlik qabristoni” harbiy majmuasida obodonlashtirish ishlari amalga oshirildi.
Hasharda Toshkent shahar mudofaa ishlar boshqarmasi va tuman mudofaa ishlari bo‘limlari shaxsiy tarkibi ishtirok etdi.
Tadbir doirasida majmuada keng ko‘lamli obodonlashtirish ishlari amalga oshirildi. Daraxtlarning tuprog‘i yumshatildi va oqlandi. Gulzorlar begona o‘tlardan tozalandi. Qilingan mehnat samarasi tezda bo‘y ko‘rsatdi. Atrof yanayam saranjom-sarishta, obod va ko‘rkam bo‘ldi.
Hashar poytaxtimizdagi boshqa qabristonlarda ham uyushtirildi. Mazkur tadbirlarda yuzlab harbiy xizmatchi faol qatnashdi.
Gulnora HOJIMURODOVA
