Касб маҳорати: тажриба ва амалиёт
Пойтахтимиздаги 293-умумтаълим мактабида Бектемир туман ХТМФМТТЭ бўлими тасарруфидаги умумтаълим мактабларида “Таълим жараёнида касб маҳоратини оширишда ривожлантирувчи педагогик технологияларда интерфаол методларидан фойдаланиш усуллари” мавзусида ўқув-амалий семинар бўлиб ўтди.
Семинарда сўз олганлар меҳнат таълими, тасвирий санъат, чизмачилик ўқитувчиларининг касбий компетентлигини шакллантиришда амалий машғулотларнинг аҳамияти, ўқувчиларнинг қизиқиш, майл ва қобилиятларини шакллантиришда меҳнат таълими ўқитувчиларининг вазифалари ҳамда ўзбек замонавий мусиқаси дарсларида ўқувчиларнинг ижодий фаолликларини ошириш йўллари бўйича маърузалар қилишди. Шунингдек, тадбирда ўқувчиларнинг ижодий ишлари ҳам намойиш этилди.
