ҲАРБИЙЛАР БИЛАН УЧРАШУВ

Ўзбекистон Республикаси Мудофаа вазирлигининг Тошкент шаҳар, Ҳамза туманидаги ҳарбий бўлинмаларидан бирида Обод турмуш йилига ҳамда Ўзбекистон Республикаси Президенти Ислом Каримовнинг Ўзбекистон Республикаси Конституциясининг 20 йиллигига бағишланган мажлисидаги маърузасига бағишланган тадбир бўлиб ўтди.

Тадбирда ҳарбий қисмнинг тарбиявий ишлар бўйича бўлим бошлиғи подпольковник Даврон Усмонов, Ўзбекистон Республикада хизмат кўрсатган журналист Раъно Зарипова мамлакатимиз раҳбарининг маърузаси ўзининг тарихий аҳамияти билан жамиятимиз ҳаётида улкан воқеа бўлганлигини таъкидлаб, мамлакатимизда Мустақиллик йилларида босқичма-босқич амалга оширилган ислоҳотлар ва ушбу улуғвор ўзгаришлар берган самаралар ҳақида сўз юритди. Шунингдек, давлатимиз раҳбарининг маърузасида эришилган ютуқлардан келиб чиққан ҳолда демократик ўзгаришларни янада чуқурлаштиришнинг энг муҳим устувор вазифалари сифатида илгари сурилган ғоялар юртимиз ободлиги ва халқимизнинг фаровонлигига муносиб ҳисса қўшиши хусусида ҳам тўхталиб ўтдилар.

Шунингдек Р. Зарипова “Соғлом авлод” газетаси фаолияти ҳақида ҳам ҳикоя қилди. “Соғлом авлод учун” халқаро хайрия жамғармасининг ижтимоий тиббий патронаж маркази гинекологи Суяра Сулайманова ногиронликнинг олдини олиш, қариндош-уруғ ўртасидаги никоҳнинг салбий оқибатлари хусусида гапирди. Ушбу масканнинг мутахассиси Нигина Саъдуллаева иммун танқислиги касаллиги, унинг олдини олиш хусусида маслаҳатлар берди. Ушбу мавзуларда видеоролик намойиш қилинди.

Учрашув қизғин ва савол-жавобларга бой тарзда ўтди.

Р.Сапоева

Яна ўқинг:  Она мадҳи сатрларда

You may also like...

Фикр билдириш

Э-почта манзилингиз чоп этилмайди. Мажбурий маълумотлар * билан белгиланган.

Хато ҳақида хабар

Муҳаррирга жўнатиладиган матн: