Baxshilarning respublika festivali
Surxondaryo viloyati Oltinsoy tumanidagi Katta Vaxshivor qishlog‘ida 28-29 iyul kunlari baxshi-shoirlar, oqin va jirovlarning respublika festivali bo‘lib o‘tdi.
Mamlakatimizda ilk marta o‘tkazilayotgan mazkur festival Surxondaryo viloyatining so‘lim tog‘ bag‘rida tashkil etilayotganida ham chuqur ma’no bor. Boy madaniy merosga ega qadimiy voha o‘zining betakror xalq og‘zaki ijodi namunalari bilan shuhrat qozongan. Vatanimiz mustaqilligining 27 yillik bayrami oldidan o‘tkazilgan nufuzli festival tumandagi ta’lim muassasalari va istirohat bog‘larida yurtimizning turli hududlaridan kelgan baxshi-shoirlar, oqin va jirovlarning qiziqarli uchrashuvlari bilan boshlandi. Tadbir bahonasida ko‘plab yosh ovozlar kashf etildi.
