Янги усул орқали умуртқа травмасидан кейинги фалажликни даволаш мумкин
Газета.RU сайти хабар беришича, британиялик олимлар орқа мия (умуртқа) травмасидан сўнг сезувчан нейронларни ўз ҳолига қайтариш усулини синовдан ўтказди. Улар ҳужайра даражасида тикланиш қандай рўй беришини аниқлади. Орқа миянинг ҳаракатлантирувчи томирчаларини жарроҳлик йўли билан тиклаш мумкин. Сезувчан томирчаларни эса аслига қайтаришни олимлар яқин вақтларгача ҳам уддалай олишмаганди.
Янги усул қуйидагича амалга оширилади: сезувчан томирчалардан нерв ҳужайралари қисми кесиб олинади ва умуртқанинг сезувчан нейронлар кўп бўлган ҳудудига чуқурроқ жойлаштирилади. Беморларда синаб кўрилган бу усул яхши натижа берди.
Тажриба каламушларда қайта синаб кўрилди. Бунда тикланиш жараёнини яққол кўриш имконини берувчи электр импульслар қўлланилди. Текширув орқали нейронларнинг тугаш қисмида жойлашган дендритлар (нерв ҳужайрасининг дарахтсимон тармоқланган ўсимтаси) ўрнатилган томирчаларга боғланиши, бунинг натижасида нейронлар фаолияти тикланиши маълум бўлди.
Миржалол Мадвалиев тайёрлади.
