Мактабгача таълим муассасаларида «Шахмат» тўгараклари ташкил этилади

Пойтахтимиздаги шахмат бўйича республика ихтисослаштирилган болалар-ўсмирлар олимпия захиралари спорт мактабида «Мактабгача таълим муассасаларида «Шахмат» тўгаракларини кенг жорий этиш ва ривожлантириш» мавзусида ўқув семинари ўтказилди.

Ўзбекистон Республикаси Халқ таълими вазирлиги ва Ўзбекистон шахмат федерацияциси ҳамкорлигида ташкил этилган семинарда Қорақалпоғистон Республикаси халқ таълими вазирлиги, Тошкент шаҳри ва вилоятлар халқ таълими бошқармалари ҳамда пойтахтимиздаги туман мактабгача таълим бўлими йўриқчи-услубчилари иштирок этди.

Тадбирда Халқ таълими вазирлигининг тегишли бошқарма ва бўлим бошлиқлари, шахмат бўйича республика ихтисослаштирилган болалар-ўсмирлар олимпия захиралари спорт мактаби масъул ходимлари ва бошқалар юртимизда ёш авлодни ҳар томонлама соғлом ва баркамол этиб вояга етказиш, болалар спортини ривожлантиришга қаратилаётган эътибор ўзининг юксак самарасини бераётганини таъкидлади.

Семинарда «Мактабгача таълим муассасаларида «Шахмат» тўгаракларини ташкил этиш ва бошланғич кўникмаларни ҳосил қилиш» мавзусидаги тақдимот ва маҳорат дарсларида иштирокчиларга МТМда спортнинг ушбу турини кенг оммалаштириш, тарбияланувчиларни шахмат спортини ўрганишга иштиёқини ошириш юзсидан зарур услубий тавсиялар берилди.

 

Халқ таълими вазирлиги

Ахборот хизмати

Яна ўқинг:  «Nobel Pharmsanoat» компаниясида нима гаплар?

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: