Хурмонинг 10 та фойдали хусусияти
Хурмо ширинлик ўрнини боса оладиган мазали мева бўлиши билан бирга соғлиқ учун ҳам фойдалари талайгина.
- Хурмо жуда тўйимли маҳсулот. Унинг таркибидаги нутриентлар, витамин ва минераллар узоқ вақт давомида қоринни тўқ тутади.
- Хурмо таркибида глюкоза кўп бўлиб, у мия фаолиятига ижобий таъсир кўрсатади ва диққатни жамлашга ёрдам беради.
- Қуритилган хурмо таркибида организмни оксидланишга қарши ҳимоя билан таъминлайдиган полифенол моддаси ва С, Е витаминлари бор.
- Хурмонинг фойдали жиҳатлари кўп бўлишига қарамасдан, қандли диабет касаллигидан азият чекувчи инсонларга бу мевани истеъмол қилиш мумкин эмас.
- Хурмо юракни мустаҳкамлайдиган мева. У гипертония (артерияда қон босимининг ошиб кетиши) касаллигига йўлиққан инсонларга ҳам тавсия этилади. Мунтазам равишда хурмо истеъмол қилиш қон босимини меъёрда сақлашга ёрдам беради.
- Хурмо шамоллаш ва инфексияга қарши курашда ҳам самарали восита. Бу мева балғамни тозалаш ва йўтални қолдириш чусусиятига эга.
- Бир нечтагина хурмо ейиш организмни суткасига 27 фоиз калий, 15 фоиз магний ва 12 фоиз Б витамини билан таъминлайди. Стресс ёки сурункали чарчаш ҳолатларига йўлиққан кишиларга бу мева, айниқса катта ёрдам беради.
- Хурмо қувватни оширувчи ва тетиклаштирувчи мева бўлгани учун, оғир касаллик ёки оператсиядан сўнг организмнинг тез тикланишига яхши таъсир кўрсатади.
- Хурмо организмдан ортиқча сувни чиқариб ташлаш ҳусусиятига эга. Шунинг учун у буйрак касалликларидан азият чекувчиларга тавсия қилинади.
- Битта хурмони бир стакан сут билан бирга истеъмол қилиш организмни керакли аминокислоталар билан таъминлай олади.
Миржалол Мадвалиев тайёрлади.
