Саратон касаллигини аниқлашнинг янги усули
Олимлар томонидан организмдаги саратон хавфини 45 дақиқада аниқлаши мумкин бўлган махсус ускуна яратилди. Бунинг учун фақатгина смартфон ва интернет керак бўлади.
Мутахассисларнинг таъкидлашича, яратилган ихтиро катта бўлмаган пластикдан иборат бўлиб, у смартфон камерасига мустаҳкамланади. Ўзига хос қурилмада чироқ манбаси, компакт линзалар ва шу билан биргаликда махсус синаладиган жой мавжуд. У ўзида бемор хужайра тўқималари намуналарини сақлайди. Бундай сканер инсон ҳужайраси намуналари билан катта муваффақиятларга эришиш иконини беради. Шу билан бир қаторда ҳужайра суратини махсус яратилган серверга юклаш орқали унинг устида иш олиб бориш мумкин. Янги ускуна 92 фоиз аниқлик билан касалликка ташхис қўяди.
X. ҲУСЕНОВА
