Dildorga noma
Bardoshimni sinama, dildor,
Ayirmagin hushdan boshimni.
Mening dardim she’rimda oshkor,
Afsus bilan to‘kma yoshingni.
Ko‘zimga boq, dardimni o‘qi,
Yuragimda yillar armoni.
Bir muhabbat dardida kuyib,
Ostin – ustun qilay dunyoni.
Sen yo‘qotib qo‘ymagin meni,
Erkalagin meni beozor.
Ishq yo‘lida bir umr, endi
Madhing kuylab she’r bitay bedor.
Hikmatillo MAMAZIYOYEV
